Ek Yatra Jisne Bahot Kuch Sikhaya...

Kisi ne sach hi kaha hai, ki 10 kilometer ki yatra aap ko 100 kitabo se jayada bate sikhati hai....To hum
apni...kitabe kam padhne ki adat ko idhar udhar ghoom ke pura kar liya karte hai :)...

Abhi pichle hafte hi hum apne ek bahot achche aur purane dost ki shadi mein Mumbai se Vidisha gaye the...Ye wahi Vidisha hai jahan ke Baudh
kalin "Sanchi" ke Stoop vishva prasidh(world famous)hai...Ye ek chota sa sheher hai aur Bhopal se kareeb 100 Kilometer..Delhi ke raste pe
padta hai...

Maine ye yatra Thane station se raat 11:30 baje shuru ki aur jab subah ankh khuli to hum shayad "Jalgao" station aur "Khadwa" station ke
beech mein kahi the...Train bhi thodi alsai hui..apne mast andaj mein chali ja rahi thi...aur purab mein Arun Dev to shayad bas nikle hi the...unki lal
rang ki navjat kirne sari dhara(earth) ko bol rahi thi ki utho abhi sone ka samay khatam ho chuka hai aur ek naya din shuru ho gaya hai..Train ki
patri ke dono taraf hi kisano ki mehnat hara rang liye kheto mein lahlaha rahi thi...aur door asman mein panchee(birds) apne khane ki khoj mein ek taraf se doosri taraf ude ja rahe the..sach mein aisa lag raha tha ki mano yahi bas jaye in kheto, nadiyo aur pahado ke beech
mein...

Kuch door chalne ke baad...insani bastiya aane lagi aur aisa lagne laga ki jaise koi sheher paas aane ko hai...kuch der ke bad
train seetii deti hui apni raftar kam karne lagi aur hum "Khandwa" station pe pahuch chuke the...Tab tak subah ka lagbhag 9 baj chuka
tha....aur haan "Khandwa" wahi jagah hai jahan Bharatiya Cinema ke mahan kalakar Kishore Kumar ji ka janam hua tha aur bachpan beeta tha..to kam se kam "Khandwa"
station par utar ke ghoomna ko banta hi tha...

Station pe sanme hi ek sarkar-dwara manyata prapt (government sponserd) ek dukan dikh rahi thi...aur humne socha ki chalo kuch lete hai wahan
se..aur hum pahuch gaye us dukan pe..humne wahan tange hue kuch rang-birange packets mein se ek uthaya aur dukandar se uska dam
poocha..usne bina koi time liye jhat se bol diya 15/- Rupye...lekin jab humne packet ko check kiya to uspe MRP 10/- ka hi chapa hua tha...jab
humne us dukandar se jayada rupye mangne ka karan poocha to usne bola ki yahan aise hi milta hai...Humne bhi socha shayada yahan aisa hi hota
hoga aur hum wapas jane lage....lekin thodi door chal ke humne socha ki yahan aise hi kaise chal sakta hai..jab ek cheej sare desh mein MRP
pe bikti hai to yahan MRP se 50% jayada pe kaise bik sakti hai..hum phir ghoome dookan ki taraf aur socha ki agar dukandar sahi paisa nahi
leta to hum is bat ko Station Master ko report kare ge..aur shayad meri is bat ko wo dukandar bhi samjha gaya aur jab hum wapas pahuche to
usne mafi mangte hue sahi paise mein wo saman de diya....
Usko bas hum itna hi bole ki bhaiya naukri mil asani se gai hogi lekin bache gi nahi agar kisi ne tumhari galti pakad li to...usne ek jhooti muskan feki thi..shayad wo bat ke sar ko samjh raha tha...

Yahan bat 5 rupye ki nahi thi..agar shayad uski koi majboori hoti to 500 bhi diye ja sakte the lekin ek sarkari dukan pe baithe hue admi ko
hum 1 rupya bhi dene ko taiyar nahi the....ye shayad bas ek shuruat thi is trip ki..aur isse bada kuch intazar kar raha tha Bopal station
pe...


Haan chuki hum apne dost ki shadi mein aye the...kaphi maje kiye wahan...aur kahate hai jab barat mein aap besharmi se nacho to kuch aur hi
maja ata hai..To dost ke vivah ka karikram kaphi time se aur achche se sampann ho gaya... aur agle din hame Bhopal se wapas Mumbai ke
liye train pakdni thi..Hamare pas to hamara ticket tha lekin hamare ek dost jisko hamare sath wapas aana thaa uske pas koi ticket nahi tha
aur usne humse bola tha.... ke hum hi uske liye Bhopal sataion par ticket lekar lakh le...

HUm Bharatiya Rail ki tatkal suvidha ke liye tatkal khidki pe pahuche aur TT mahoday se poocha...

Ki kya Bopal se Mumbai ke liye koi tatkal mein ticket uplabdh hai kya ?

(Unhone kuch soch ke bola...)
Haan hai..aur bola ka ticket ke liye aap ko 850/- Rs lage ge...
Theek hai aur unko 850/- de diye ticket ke liye...

TT mahodya ne hum ko ticket to de diya lekin tiket pe Rupye likhe the 650/-..hum ko ye samjhte der na lagi ki ye 200/- extra inhone apni
suvidah shulk ke le liye hai..yani aam admi ki jaban mein kahe to 200 ghoos ke liye hamare liye ticket ka jugad karne ke liye..Aur jo mere
sidhanto ke khilaf tha ki apne kisi kam ke liye kisi sarkari ya gair-sarkari admi ko ghoos di jaye...

Humne bhi poora man bana liya mamle ko puri tarah niptane ka aur hum ja pahuche Bhopal satation Incharge Mr. Saxena ka paas..shayad Saxena
sahab ke liye bhi ye apni tarah ka pahal anubhav tha..wo kaphi asahaj (incomfertable) dikhe jab humne unko bataya ki unke dipartment ke kisi
admin se ghoos li hai...Pata to hunko bhi tha ki ye sab hota hai station pe lekin shayad pahali bar kisi ne unke pas aa ke bola tha...

Mr. Saxena ne bola ki aap TT ke pas jaye aur use bataye ki usne galat kam kiya hai aur koi problem ho to wapas unse mile...

Ab phir se hame TT sahab ke samne jana tha...jinki shikayat humne abhi abhi head of station se ki thi...hum nahi soch pa rahe the ki bat
kahan se shuru karni chahiye..lekin abhi jab nishchay kar liya tha to..sahas bhi apne aap aa gaya...Hum phir se unke samne the...

Mere bat shuru karte hi TT sahab samjh gaye the...ki aaj unke sath wo ho gaya hai jo shayad kabhi nahi hua hai...ek aam yatri ne ja ke head
of station ko unke kale karname ko khol diya hai...tatkal booking office ka mahaul puri tarah badal chuka tha...Unko dekh le koi bhi bata
sakta tha...ki TT sahab apni naukari ko le ke.. wo ashurachit(insucure) mehsoos kar rahe the...

Aur phir unhone wahi kiya jo unko apni naukri bachane ke liye..karna chahiye tha...unhone pure 200/- wapas kiye...aur mafi magte hue bole ki
haan hunse galti kari...Humne unko samjhaya ki aap us seat pe baithe hai jahan log aap ka vishvas karte hai...aap bolte ho seat hai log man
lete hai..aap bolte ho ki seat nahi hai..log saikdo Kilometer bina reservation ke chale jate hai...haan mere pas mauka tha ek be-iman ho
chuke admi ko samjhane ka hur hamne wahi kiya...

Humne TT sahab aur Mr. Saxena ji ko... bad mein ja ke bola ki humne kabhi ghoos nahi di hai apna kam niklwane ke liye aur hum age bhi
bhrashtachar ka virodh karte rahe ge...aur jahan kahi jaroort padi to age aye ge aur bhrashtachar ke khilaf lade ge...

Be-imano ka samna imandari se karne ka ye ek bahot jabardast anubhav tha...

Bhale hi is puri yatra mein humne sirf 205/- hi bachaye galat traeeko se galat admi ke hatho mein jane se..lekin humne kam se kam 2 be-iman
logo ke dilo mein ye dar paida kiya ki is bhrasht system ko todne ke himmat abhi bhi kuch logo mein hai...is lekh ko padhne walo ke liye mera
bas yahi agrah (request) hoga ki kabhi aap se koi galat tareek se ya galat paisa magta hai to...apne liye nahi to kam se kam desh ke
liye...nirbhay(without fear) ho ke virodh kare...

(India is on 72th poisition in world's honest nation list..We have to act to make our nation honest...)

Kisi ki chamki Rajneeti aur kisi ki gai Jan .....

Dosto...Aaj subah suabh jab humne apna Hindi ka akhbar uthaya..to sab se pahale kuch achchi khabro pe hamari jazar gai..jaise ki..Sehvag ne phir se dhamaka kar ke Test cricket ke hitihas mein sab se tej 250 runs mar diye..padh ke achcha laga Hindustan ka ek khiladi hindustaniyo ka sar uncha kar raha hai...

lekin mera ye lekh na to cricket pe hai aur na hi Sehvag ki sabse tej test pari pe...

Ek doosri hi khabar ke bare mein hum soch rahe the..jo ki Mumbai mein pani ki kami ke liye hue dharne aur pradarshan ko le ke hai...ye andolan hamare ek naye navele aur honhar yuya neta ki dekh rekh mein hua hai..Neta ji pahali bar vidhayak ban ke aye hai..aur jaisa ki is samay Maharashtra ki rajneet mein ho raha hai..ki jo jitna thodfod kare..sarkari sampati ko nuksan pahuchaye...logo ko pakad pakad ke peete... wahi sab se bada samaj aur janta ka sevak hai......
Is andolan mein bhi yahi hua...mudda tha Mumbai mein pani ki kami lekin khatam hua ek insan ki maut aur 12 ko gambheer roop se ghayal kar ke....

Ye ghatna tab hui jab bekabu bheed ne BMC ke daftar par hamla kar diya to police ne bheed ko kabu mein karne ke liye lathi charge kiya...Nishchit hi abhi pani ka mudda peeche ho jaye ga aur Mumbai vidhansabha mein is lathi charge pe dhakka mukki hogi....

Lekin is pure lathi charge mein srif ek hi cheej gayab thi wo the..neta ji.. jinhone ye dharana bulaya tha apne shakti pradarshan aur apni rajneetik jameen ko majboot karne ke liye...dhikkar hai aisi netagiri pe jo logo ki jan le ke majboot hoti hai..Ishvar yuya neta ji Nitesh Rane ko sadbudhi de......

Ek aur lathi charge hua tha desh mein.. jab hum azadi ki ladai lad rahe the...aur tab wo jamana tha jab neta aage rah ke sare khatre khud jhelte the..isi lathi charge mein desh ne ek mahan neta aur krantikari kho diya tha..wo the Sri Lala Lajpat Rai...salam hai unki shahad ko..salam hai hunke zajbe ko....